Martina Telletxea, bidelaria: “Diasporan gaudenok horrelako gauzak behar ditugu”

Martina Telletxeak (1968) euskaraz hitz egin nahi du, baina orain arte ez du aukerarik izan. Kaledonia Berrian bizi da (Ozeania), Australiaren ekialdean dagoen uhartedi batean. Betidanik gustatu izan zaio bidaiatzea, eta duela urtebete Euskal Herriko antipodetara iritsi zen gaztelaniazko irakasle gisa.

Gehiago irakurri “Martina Telletxea, bidelaria: “Diasporan gaudenok horrelako gauzak behar ditugu””

Aniceto Ajuriagogeaskoa (Muxika) Mintzaneteko bidelagunak eta Andrea Bella (Montevideo) bidelariak topo egin dute

Aniceto Ajuriagogeaskoa Muxikan bizi da eta 66 urte ditu. Andrea Bella, berriz, Uruguayen jaio zen duela 36 urte. Mintzaneten izena eman zuten iazko udaberrian eta geroztik astero-astero hitz egiten dute Internet bidez. Aniceto euskaldun zaharra da, Andreak, ordea, kasualitatez ezagutu zuen euskara. Euskal dantzak ikusi zituen bere herrialdeko euskal etxe batean eta euskal kulturarekin maitemindu egin zen. Orain bere bizitza euskaraz egiten du ahal duen neurrian, eta Euskal Herrira hiru aldiz etorri da. Azkeneko bidaia honetan Aniceto bere bidelaguna ezagutzeko aprobetxatu du.

Gehiago irakurri “Aniceto Ajuriagogeaskoa (Muxika) Mintzaneteko bidelagunak eta Andrea Bella (Montevideo) bidelariak topo egin dute”

Marijoxe Azurtza, bidelaguna: “Saioak atseginak eta pozgarriak dira”

Marijoxe Azurtza Donostian jaio zen duela 36 urte, eta irakaslea da. Egun batean, Euskal Kultura Erakundearen (EKE) webgunean Mintzaneti buruzko testu bat irakurri zuen. Zalantzarik gabe, izena eman zuen, eta geroztik astero-astero bere bidelariarekin hitz egiten du. Bere ustez, proiektua «txukuna» da, batez ere, parte hartzen duten bi pertsonak «hitzekoak eta, hitzekoak izanik, hiztunak izanik».

Gehiago irakurri “Marijoxe Azurtza, bidelaguna: “Saioak atseginak eta pozgarriak dira””

Andrea Bella gure bidelari uruguaitarra ‘Gaur 8′ aldizkarian

‘Gaur 8’ aldizkarian, Andrea Bellak (Uruguai, 1978) euskararekin daukan harremanaren inguruan hitz egin zuten otsailaren 1ean. Andreak Mintzaneten parte hartzen du bidelari bezala, eta Euskal Herrira egiten ari den bidaia bere bidelaguna ezagutzeko aprobetxatuko du.

Gehiago irakurri “Andrea Bella gure bidelari uruguaitarra ‘Gaur 8′ aldizkarian”

Antxon Quiroga, bidelaria: “Mintzanet oso erabilgarria da euskara ikasten ari direnentzat”

Antxon Quiroga Errenterian jaio zen, duela 65 urte. Internet bidez izan zuen Mintzaneten berri, eta bertan bidelari gisa hartzen du parte. Bere ustez, proiektua «oso ona» da euskara ikasten ari direnentzat, eta, batez ere, «oso erabilgarria». «Oso ondo dago euskara zabaltzeko», gaineratu du.

Gehiago irakurri “Antxon Quiroga, bidelaria: “Mintzanet oso erabilgarria da euskara ikasten ari direnentzat””

‘Euskal Sortzaileak Sarean’ programa Ikasbilen

‘Euskal Sortzaileak Sarean’, Mintzanet eta Etxepare Institutuak martxan jarri duten proiektuaren inguruan aritu dira Ikasbil webgunean. HABEko web orrialde honetan ekimena zertan datzan azaldu dute.

Gehiago irakurri “‘Euskal Sortzaileak Sarean’ programa Ikasbilen”

Elisabet Etchegaray, bidelaria: “Euskaldunek euskara barneratzen laguntzen didate”

Elisabet Etchegaray Argentinakoa da, Azul izeneko herri batekoa. Euskal kultura interesatzen zaio, eta horrexegatik du gustuko Mintzanet. «Euskal bizitza eta kulturarekin lotuta dauden esperientziak oso aberasgarriak direla uste dut, eta, proposamen baten bila nenbilenean, Euskal Kultura aldizkarian Mintzaneten berri izan nuen», esan digu Elisabetek.

Gehiago irakurri “Elisabet Etchegaray, bidelaria: “Euskaldunek euskara barneratzen laguntzen didate””

Pili Larrañaga, bidelaguna: “Ez da asko kostatzen, eta aukera ederra da praktikatzeko arazoak dituztenentzat”

Pili Larrañaga Soraluzen jaio zen 1950ean. Orain erretiratua dago, baina hezkuntzaren arloan lan egin du bizitza osoan. Donostian bizi da, eta hain justu hiriburuko San Telmo museoan izan zuen Mintzaneten berri, ‘Badu bada’ erakusketaren aurkezpenean, alegia.

Gehiago irakurri “Pili Larrañaga, bidelaguna: “Ez da asko kostatzen, eta aukera ederra da praktikatzeko arazoak dituztenentzat””

Izaskun Arrieta eta Jose Ramon Onandia, Bidelagun eta Bidelari Onenak

Abenduaren 3an, Euskararen Nazioarteko Egunaren harira I. Mintzanet sariak banatu dituzte Donostiako San Telmo museoan. Bertan, Bagera Elkarteak Mintzodromoa antolatu du, eta urte osoan egin dugun bezala Internet bidezko saioak prestatu ditugu.

Izaskun Arrieta (bidelagun onena) I Mintzanet Sariak (San Telmo museoan, Donostia) 2013/12/03
Izaskun Arrieta (bidelagun onena) I Mintzanet Sariak (San Telmo museoan, Donostia) 2013/12/03

 

 

 

 

 

 

 

 

 

Gaur, Mintzanet proiektuak urte bat bete du, horregatik I. Mintzanet Sariak banatu ditugu. Bidelagun (laguntzaile) baten eta bidelari (laguntza behar duen pertsona) baten lana eta esfortzua nabarmendu nahi izan dugu. Hain zuzen, Izaskun Arrieta (Azkoitia, 47) eta Jose Ramon Onandia (Getxo, 68) izan dira saridunak.

 

 

Arrieta bidelaguna da, eta ia hasieratik parte hartzen du Mintzaneten. Garai horretan, hiru pertsonekin hitz egiten zuen astero-astero, eta orain, berriz, horietako birekin dabil. Bera San Telmon egon da, eta saria jaso aurretik saio bat egin du Onandiarekin. Bidelari onenak, berriz, Onandiak, normalean beste emakume batekin egiten ditu saioak, eta duela aste gutxi pausu handia eman du: laguntzailea ere bada.

Gehiago irakurri “Izaskun Arrieta eta Jose Ramon Onandia, Bidelagun eta Bidelari Onenak”