Prudencio Bastarrica: “Euskarari bultzada emanez, norbera ere jantzi egiten da”


Prudencio Bastarrica bidelaguna Zumarragakoa da eta 75 urte ditu. Hitza egunkarian ikusi ostean eman zuen izena Mintzaneten eta ordutik laguntza gustura ematen duela esan digu. Berarentzat abantaila zein den galdetzean, euskarari bultzada emateaz gain, norbera ere jantzi egiten dela aitortu digu.

Rocío Korta eta Mila Altuna (bidelagunak): “Bidelariak nirekin konfiantza hartu du, eta ondo hitz egiten du”


Rocío Korta eta Mila Altuna azpeitiarrak dira. Lehenak 73 urte ditu, 85 bigarrenak. Eta Mintzaneten bidez bi astean behin Sofía Cisneros eta Gorka Fernández bidelariekin, hurrenez hurren, hitz egiten dute. Hiru saio egin dituzte orain arte, eta oso pozik daudela azaldu digute.