Cecilia Cenoz, bidelaria: “Euskara aitonaren hizkuntza zen, eta haren hizkuntza ezagutzea eta erabiltzea nire omenaldi txikia da”


Cecilia Cenoz Tandilen jaio zen (Argentinako Buenos Aires probintzian), duela 47 urte. Sistema-ingeniaria da, eta informatika-enpresa batean egiten du lan. Bere aitona Nafarroako herri batekoa zen, eta hari omenalditxo bat egiteko asmoarekin hasi zen euskara ikasten. “Aitonak euskaraz eta gaztelaniaz hitz egiten zuen, baina, Argentinara etorri zenean, euskara ez erabiltzea gomendatu zion jendeak; horregatik, nire … Jarraitu irakurtzen Cecilia Cenoz, bidelaria: “Euskara aitonaren hizkuntza zen, eta haren hizkuntza ezagutzea eta erabiltzea nire omenaldi txikia da”

Mintzanetek eta Eusko Ikaskuntzak kolaborazio hitzarmena sinatu dute


Gaur, maiatzak 23, Mintzanetek eta Eusko Ikaskuntzak kolaborazio hitzarmena sinatu dute. Donostiako Miramar Jauregian maramara* taldearen zuzendaria, Ritxi Lizartza, eta Eusko Ikaskuntzako zuzendaria, Arrate Arin, bildu dira. Elkarrekin egingo ditugun proiektuen berri emango dizuegu. Adi egon!

Azpeitiko Euskara Patronatuan aurkeztu dugu Mintzanet


Apirilaren 28an, Azpeitiko Euskara Patronatuan bi aurkezpen egin genituen. Bertako ikasleei eta gerturatu zen jende guztiari Mintzanet zer den, eta nola funtzionatzen duen azaldu genien. Hemen duzue, www.uztarria.com -en argiratu duten albistea.

Ione Forcada (bidelaguna) eta Raul Alfaro (bidelaria) Donostian elkartu dira


Ione Forcadak sortu eta berehala ezagutu zuen Mintzanet, Donostiako San Telmo museoan egindako aurkezpenean izan baitzen. Bagera Elkartean ere parte hartzen du, eta, ongi pentsatu ondoren, Mintzaneten izena ematea erabaki zuen. “Aurrez aurre laguntzailea izatea errazagoa da. Interneten, berriz, ez daude hainbeste baliabide, baina tira”, dio Ionek.

Sorbonako (Paris) ikasleak euskararen inguruan aritu dira


Etxepare Institutuak eta Mintzanetek ‘Euskal sortzaileak sarean’ programa martxan jarri dute. Horrela, euskal eragileek zuzeneko prestakuntza-saioak eskaini ahalko dizkiete, Euskal Herritik, Institutuak mundu osoko 36 unibertsitateetan dituen euskara eta euskal kultura ikasleei.