Batez beste, batez besteko eta batezbesteko

Euskara hobetzen

Batez beste,

batez besteko

eta batezbesteko ez dira gramatika-kategoria berekoak:

BATEZ BESTE (adberbioa)

Pertsona baten gorputzak bost bat litro odol dauzka batez beste.

*…bost bat litro odol dauzka batAz beste.

*…bost bat litro odol dauzka batazbeste.

 *…bost bat litro odol dauzka batezbeste.

BATEZ BESTEKO (izenlaguna)

Glaziarren batez besteko luzera 1800 inguruan hasi zen urritzen

*Glaziarren batezbesteko luzera…

*Glaziarren batazbesteko luzera…

BATEZBESTEKO (izena)

Hipaso baino lehenago, bi ziren batezbestekoak: aritmetikoa eta geometrikoa.

2005-2006 ikasturteko etekin akademikoaren batezbesteko aritmetikoa 5,65ekoa izan zen.

Batezbesteko geometrikoa hazkunde tasak kalkulatzeko erabili ohi da.

Ehulkuren aholkuak-etik jasoa eta moldatua

Artikulua

G-maila

(…) Hain zuzen ere, irudiekin lan egiten duen lankide batek solas egin berri dizu hitz batez: g-maila. Izan ere, azken urteotan, erabilera aldaketa nabarmena ikusi du –Hegoaldeko lau probintzietatik etortzen diren– ikasle ugariren ahotan.

Hala, duela gutxi arteko EHUko e-maila EHUko g-maila bihurtu da, edota e-mail bat bidaltzen zen lekuan orain g-mailak bidaltzen dira. Kultura berri bat abian da, Google-k doan babestua.

Nekez irudika liteke hobeki zenbait arlotan bizitzen ari garen uniformetasuna. Hitz batez.

Edu Zelaieta Anta

Argia

Agian hau ere gustatuko zaizu

Utzi erantzuna

Zure e-posta helbidea ez da argitaratuko. Beharrezko eremuak * markatuta daude