Mintzanet egitasmoaren aurkezpena udako ikastaroetan (bideoa)


Donostiako Miramar jauregian “Excellence in basque studies V” ikastaroan Mintzanet aurkeztu dugu, bideoan ikus daitekeen moduan. Etxepare Euskal Institutuak EHUko Udako Ikastaroekin batera antolatutako ikastaroan, 50 lagun inguru bildu dira hiru egunez eta atzerriko unibertsitateetan euskara eta euskal kultura irakasteko prestakuntza eskaini dute.

Adineko pertsonak, Mintzanet proiektuaren bihotzean


Mintzanet proiektua abiatu genuenean, erabiltzaile bila hasi ginen, doako aukera paregabe honen onuradunen bila, hain zuzen ere. Bidean, ordea, jabetu ginen guretzat garrantzi handikoak ere bazirela bidelariei (praktikatu nahi dutenei) lagunduko zieten bidelagunak (beren denbora doan eskaintzen dutenak besteek praktikatzeko), eta, zerbitzua ona izan zedin, bidelagunen taldea zaindu eta handitu beharra geneukala.

Pilar Ruiz de Ledesma, bidelaria: “Gramatika osoa jakitea baino, garrantzitsuagoa da dakizuna erabiltzea”


Pilar Ruiz de Ledesma Algortan jaio zen duela 52 urte. Mintzaneten izena eman zuen bidelari gisa. Baina horrez gain, euskaraz bizi nahi izan du, “egun batzuk”, behintzat. Horregatik, Errezilgo baserri batera joan zen egun batzuk pasatzera. “Esperientzia aberasgarria izan da oso, alderdi askotan, hizkuntzarena barne. Batetik, baserritarren bizimodua ezagutu dut, bizimodu gogorra, egun osoan izan … Jarraitu irakurtzen Pilar Ruiz de Ledesma, bidelaria: “Gramatika osoa jakitea baino, garrantzitsuagoa da dakizuna erabiltzea”