Mintzaneteko kideak Iruñean!


Urriaren 16an, Iruñeako Katakrak Kultur Guneko kantinan Mintzaneteko hainbat erabiltzailerekin elkartu gara. Bertan, elkar ezagutu dugu eta berriketan aritu gara, giro epelean.

Mintzaneteko kideak Bilbon!


Urriaren 2an Bilboko Bira Kultur Gunean Mintzaneteko hainbat erabiltzaile elkartu gara. Topaketa elkar ezagutzeko eta goxo eta lasai hitz egiteko aprobetxatu dugu.

Maider Olarra eta Peio Duzan elkarrekin Baden-Badenen (Alemanian)


Duela astebete, Maider Olarra Mintzaneteko bidelagunak (Donostia, 1974) ezusteko polita hartu zuen. Bera Baden-Badenen (Alemanian) bizi da. Etxetik atera behar zuen, eta bat-batean norbait hurbildu zen bere etxera bizikletan. Peio Duzan (Toulouse, 1985) bidelaria zen. Bera Estrasburgon bizi da, eta Oihan Beltzera zihoan paseoan. Errepidea moztuta zegoen, eta, orduan, Maiderri bisita egitea erabaki zuen. “Ateak zabaldu, kafe … Jarraitu irakurtzen Maider Olarra eta Peio Duzan elkarrekin Baden-Badenen (Alemanian)

Dylan Inglis eta Ainara Loiarte elkarrekin!


Dylan Inglis (Erresuma Batua, 1998) bidelaria eta Ainara Loiarte (Andoain, 1988) bidelaguna elkartu dira Loiarteren herrian. Duela ia urtebete hasi ziren elkarrekin Mintzaneten, eta geroztik hiru aldiz ikusi dute elkar aurrez aurre. Euren artean hitanoa praktikatzen dute.

Amaia Larrañaga, bidelaguna: “Aurrez aurre euskaraz aritzeko modurik ez dutenentzat aukera bat da Mintzanet; horrek niri satisfazio handia ematen dit”


Amaia Larrañaga (Aizarna, 1957) bidelaguna da Mintzaneten. Euskara praktikatzen laguntzen dio Gasteizko emakume bati. Proiektua bere ahizpa bati esker ezagutu zuen eta egun parte hartzen du, erretiroa hartuta baitago. “Aurrez aurre euskaraz aritzeko modurik ez dutenentzat aukera bat da Mintzanet; horrek niri satisfazio handia ematen dit”, azpimarratu du Amaiak.