Euskara irakasle eta ikasleak batu ditu ‘Euskara Munduan’ programak Argentinan


Beste urte batez, martxan da Etxepare Euskal Institutuak antolatzen duen ‘Euskara Munduan’ programako barnetegia. Pare bat astez, Argentinako San Nikolas hirian irakasle zein ikasleak batu dira euskara lantzeko asmoz. Kinku Zinkunegi teknikaria ari da eskolak ematen eta saioak gidatzen. Gainera, Mintzaneteko zenbait erabiltzaile ere bertan dira, besteak beste, Uruguaiko Andrea Bella eta Argentinako Begoña Tisera. … Jarraitu irakurtzen Euskara irakasle eta ikasleak batu ditu ‘Euskara Munduan’ programak Argentinan

Asier Rodríguez Aparicio, bidelaguna: “Kanpoan bizi garenontzat, Mintzanet aukera ezin hobea da“


Asier Rodríguez Aparicio (Bilbo, 1992) bidelaguna da Mintzaneten. Une honetan, Bartzelonan bizi da bertan lan egiten baitu. Kasualitatez ezagutu zuen Mintzanet: “Euskara praktikatu nahi nuen, eta kanpoan nagoenez Interneten topatu nuen”. “Ideia ezin hobea iruditzen zait, benetan, oso gomendagarria da hizkuntzarekin konexioa ez galtzeko eta euskara heda dadin”, esan du. Zentzu horretan, “Euskaditik kanpo” bizi … Jarraitu irakurtzen Asier Rodríguez Aparicio, bidelaguna: “Kanpoan bizi garenontzat, Mintzanet aukera ezin hobea da“

Isabel Ecenarro (92 urte) eta Leona Larrañaga (87) bergararrak euskara Internet bidez praktikatzen


Isabel Ecenarro (1927) eta Leona Larrañaga (1932), Mintzaneten bidelagunak dira duela urte terdi. Bergarako Mizpirualde adinekoen egoitzan bizi dira, eta astero Internetera konektatzen dira euskara prakikatzen laguntzeko. Isabel Valladolideko gizon batekin aritzen da, eta Leona Argentinako emakume batekin. Eskerrik asko zuen ilusioagatik!  

Mintzaneten aldeko aldarria abestu dute Algortako Bidebitarte txokoan


Gabonetako oporretan bete-betean sartuta gaudela, Algortako bizilagunek “Euskara afaria” ospatu zuten abenduaren 21ean, Bidebitarte txokoan. Bertan izan zen Joserra Onandia (Getxo, 1945) bidelaria, Erromoko euskaltegiko ikaskideak, irakasleak eta berba-lagunak, besteak beste.  Guztira, 30 lagun batu ziren. Afaria prestatu bitartean, mintzapraktikako irakasle izandako Imaren bisita izan zutela esan digu Onandiak: “Ima irakasle berezia eta atsegina izan … Jarraitu irakurtzen Mintzaneten aldeko aldarria abestu dute Algortako Bidebitarte txokoan

Maider Olarra eta Lurdes Alonso elkarrekin!


Maider Olarra (Donostia, 1974) bidelaguna Baden-Badenen (Alemania) bizi da. Gabonak Euskal Herrian emango ditu, eta bere bidelariarekin elkartzeko aukera izan du. Lurdes Alonso (1971) Bermeotik Donostiara etorri da, eta honako argazki hau bidali digute. Mila esker, bikote!

Iñigo Sainz de la Maza, bidelaria: “Euskaraz mintzatzeak bakartasun sentimenduari aurre egiten laguntzen dit“


Iñigo Sainz de la Maza Getxon jaio zen 1991. urtean; baina une honetan, Mexikon bizi da. “Euskaraz mintzatzeak bakartasun sentimenduari aurre egiten laguntzen dit. Hain zuzen ere, euskaraz berba egiten dudanean, nire herria gertuago sentitzen dut”, azaldu du Iñigok. Berak euskaltegi batean eman zuen izena, eta gehiago praktikatu nahi zuenez, Mintzaneten parte hartzea erabaki zuen. … Jarraitu irakurtzen Iñigo Sainz de la Maza, bidelaria: “Euskaraz mintzatzeak bakartasun sentimenduari aurre egiten laguntzen dit“

Mariana Grande argentinarra bere arbasoen bila


Mariana Grande Cobián (Posadas-Argentina, 1981) bidelaria da Mintzaneten eta, beste hainbat argentinarrek bezala, arbaso euskaldunak ditu. Bere kasuan, amona zen euskalduna: Dolores Municha (Durango, 1914), hain zuzen ere. Berari eta gainerako arbasoei buruzko istorioa goitik behera ezagutzeko aukera izan genuen, izan ere, Marianak berak eman zuen Zuzeu albistarian ‘Maitia nun zira?’ izenburupean idatzitako testuan bere … Jarraitu irakurtzen Mariana Grande argentinarra bere arbasoen bila

María Simón, bidelaria: “Euskal Herria ondo ezagutu nahi baduzu, euskara ikastea komenigarria da”


María Simón (Zaragoza, 1986) bidelaria de Mintzaneten. Euskal Herrian bizi izan da eta bertan zegoenean euskara ikastea erabaki zuen. Euskaltegian gomendatu zioten proiektu honetan parte hartzea. Horrela, Zaragozan euskaraz hitz egiten jarraitu ahal izan du. Zentzu horretan, Mintzanet egitasmo “oso baliagarria” dela dio: “Bestela, nik ez nuke euskaraz hitz egiteko aukerarik izango; eta euskaldun zaharra … Jarraitu irakurtzen María Simón, bidelaria: “Euskal Herria ondo ezagutu nahi baduzu, euskara ikastea komenigarria da”

VI. Mintzanet Sariak banatu ditugu Durangon


Alberto Elejaldek, Igone Leonek eta Maider Olarrak jaso dituzte 2019ko Bidelagun eta Bidelari Onenen oroigarriak, baita urteko Aipamen Berezia ere. Azaroaren 24an banatu genituen VI. Mintzanet Sariak Durangoko Plateruena Kafe Antzokian. Bertan, egitasmoaren zutabe diren bidelariak eta bidelagunak bildu ziren, eta jarraian, guztiok elkarrekin bazkaldu genuen.

Ander Olalde, bidelaguna: “Proiektu honek denoi irabazteko aukera ematen digu; galtzeko, berriz, ezer ez”


Ander Olalde Azpeitian jaio zen duela 57 urte. Euskadi Irratian izan zuen Mintzaneten berri. Azaldu duenaren arabera, nahiz eta euskara izan bere ama hizkuntza, euskaltegira joan behar izan zuen EGA ziurtagiria lortzeko: “Euskaltegian jaso nuen guztiagatik euskararekin zor bat nuela sentitzen nuen. Orduan, Mintzanet etorri zitzaidan burura, eta pentsatu nuen ez zegoela modu aproposagorik nire … Jarraitu irakurtzen Ander Olalde, bidelaguna: “Proiektu honek denoi irabazteko aukera ematen digu; galtzeko, berriz, ezer ez”