Dylan Inglis bidelaria eta bidelaguna: “Hizkuntza guztiak ederrak dira, baina euskara batez ere”

Dylan Inglis (Erresuma Batua, 1998) ingelesa da eta, urte eta erdian euskara ikasi du. Ez euskara batua soilik, xiberera, bizkaiera eta hitanoa ere erabiltzeko gaitasuna du: “Euskara ikastea esperientzia ederra izan da”, kontatu digu. Hizkuntzak ikastea bizitzeko modu bat dela esan digu: “Ikastea merezi du”. Berak ingelesez, frantsesez, gaztelaniaz, euskaraz eta txineraz hitz egiteko gaitasuna du. Gehiago irakurri “Dylan Inglis bidelaria eta bidelaguna: “Hizkuntza guztiak ederrak dira, baina euskara batez ere””

Mariana Grande, bidelaria: “Nire bidelagunak asko daki eta oso lagungarria da euskara ikasteko”

Mariana Grande (Posadas-Argentina, 1981) irakaslea da Buenos Aireseko eskola publiko batean. Marianak Eusko Jaurlaritzaren Euskara Munduan ekimenaren bidez ikasi du euskara: “Programa horretan, Christian Etxeberria ezagutu nuen, Txilekoa, eta hark hitz egin zidan Mintzaneti buruz”. Gehiago irakurri “Mariana Grande, bidelaria: “Nire bidelagunak asko daki eta oso lagungarria da euskara ikasteko””

Iñaki Urbistondo bidelaguna eta Ramuntxo Elorga bidelaria elkarrekin!

Iñaki Urbistondo (1957) bidelagun azpeitiarra eta Ramuntxo Elorga (1977) Genevan (Suitza) bizi den bidelaria Donostian elkartu egin dira. Gehiago irakurri “Iñaki Urbistondo bidelaguna eta Ramuntxo Elorga bidelaria elkarrekin!”

Xalba Dalmau, bidelaguna: “18 urterekin hitz bakarra nekien euskaraz: ama. Orain, nire nortasunaren zati bat da”

Xalba Dalmau (Galdakao, 1946) erretiratua dago, eta lagun baten bidez izan zuen Mintzaneten berri. Proiektua “oso interesgarria” iruditu zitzaion eta izena ematea erabaki zuen; orain, astero, bere bidelariari euskara praktikatzen laguntzen dio, Bilboko emakume bati, hain zuzen ere. Gehiago irakurri “Xalba Dalmau, bidelaguna: “18 urterekin hitz bakarra nekien euskaraz: ama. Orain, nire nortasunaren zati bat da””

Susana Santa Cruz, bidelaria: “Etxetik euskara praktikatu dezaket, lasaitasunez. Zoragarria da!”

Susana Santa Cruz (Gasteiz, 1974) informatikaria da. Mintzaneti esker euskara praktikatzen du eta, zentzu horretan, ideia “izugarri ona” dela dio. Bere ustez, Gasteizen “ez da erraza” euskaraz aritzea, behintzat, bere inguruan ez dago euskara “erraztasunarekin” hitz egiten duen inor. Seme bat dauka eta “ez da erraza tarte bat hartzea”. “Horregatik, proiektu honen bidez, etxetik hitz egin dezaket, lasaitasunez. Zoragarria da!!!”, esan du. Bere ustez, denbora gutxi baldin baduzu “aukera ona” da. Gehiago irakurri “Susana Santa Cruz, bidelaria: “Etxetik euskara praktikatu dezaket, lasaitasunez. Zoragarria da!””

Roman Zurutuza, bidelaria: “Mintzanet berritzailea, baliagarria eta garrantzitsua da”

Roman Zurutuza (Alicante, 1973) inbertsio analista bidelaria da Mintzaneten. Londresen bizi zenean izan zuen Mintzaneten berri: “Maider Belloso zen gure euskara irakaslea Londresko Euskal Etxean, eta astero elkartzen nintzen berarekin euskara praktikatzeko. Bera Euskal Herrira itzuli zenean, Mintzaneten bidez egitea proposatu zidan”. Gehiago irakurri “Roman Zurutuza, bidelaria: “Mintzanet berritzailea, baliagarria eta garrantzitsua da””

Patrizia Telletxea, bidelaguna: “Eremu ez eskaldunetan bizi diren euskaldunei aukera hau ematea ezinbestekoa dela iruditzen zait”

Patrizia Telletxea (Azkain, 1976) irakaslea da. Sare sozialen bidez Mintzaneten berri izan zuen eta proiektu “ederra” iruditu zitzaion: “Alde batetik, euskarari bertze eremu bat gehiago zabaltzen diolako eta, bertze aldetik, munduko edozein euskalduni euskara praktikatzeko aukera ematen diolako”. Gehiago irakurri “Patrizia Telletxea, bidelaguna: “Eremu ez eskaldunetan bizi diren euskaldunei aukera hau ematea ezinbestekoa dela iruditzen zait””

Mintzanet Bilboko Txurdinaga ikastetxean aurkeztu dugu!

Azaroaren 5ean Bilboko Txurdinaga ikastetxera joan ginen. Bertako ikasleek Mintzanet zer den eta nola funtzionatzen duen gertutik ezagutzeko aukera izan zuten. Zuzeneko bi konexio egin genituen bi erabiltzailerekin: Dylan Inglis eta Amaia Etxepeteleku. Eskerrik asko! Gehiago irakurri “Mintzanet Bilboko Txurdinaga ikastetxean aurkeztu dugu!”

Maialen Goñi bidelaguna eta Igone León bidelaria elkarrekin!

Maialen Goñi (Donostia, 1989) bidelguna eta Igone León (Bilbo, 1993) bidelaria elkarrekin egon dira udan Donostian. Ia duela bi urte hasi ziren Mintzaneten, eta geroztik Maialenek Beratik (Nafarroa) eta Igonek Varsoviatik (Polonia) astero euskaraz hitz egiten dute. Eskerrik asko, bikote! Gehiago irakurri “Maialen Goñi bidelaguna eta Igone León bidelaria elkarrekin!”

Naiara Alberdi, bidelaguna: “Euskaraz mintzatzeko aukeraz gain, jendea ezagutzeko ere balio du!”

Naiara Alberdi (Zumarraga, 1982) bidelaguna administraria da. Lanetik etxera bidean, Arrate Irratian izan zuen Mintzaneten berri lehenengo aldiz eta izena ematea erabaki zuen: “Proiektua ideia bikaina da, eta gaur egungo egoerara erabat egokitzen dela iruditzen zait”. Gehiago irakurri “Naiara Alberdi, bidelaguna: “Euskaraz mintzatzeko aukeraz gain, jendea ezagutzeko ere balio du!””