Joxe Mari Allur, bidelaguna: “Ni euskalduna naiz eta euskaraz bizi nahi dut. Horregatik, ikasi nahi dutenei laguntzen saiatzen naiz”

Joxe Mari Allurrek 71 urte ditu eta, Legorretan jaio bazen ere, egun 41 urte daramatza Lazkaon. Erretiroa hartu zuenetik sei urte pasa dira eta badira beste bi edo hiru Berrian Mintzaneten berri izan zuenetik: “Irakurri eta gehiago pentsatu gabe, webgunean sartu eta izena eman nuen”.

“Ni euskalduna naiz eta euskaraz bizi nahi dut. Horregatik, ikasi nahi dutenei laguntzen saiatzen naiz”, kontatu digu Joxe Marik. Hori dela eta, Lazkaon bertan dagoen Maizpide barnetegiko ikasleekin Mintzalaguna ekimenean aritzen da ikasturte osoan zehar eta “denbora banuenez, Mintzaneten ere parte hartzea erabaki nuen”, azaldu digu.

JoxeMariAllur_mintzalagunekin  IRUDIAN: Jose Mari Allur Maizpideko bere Mintzalaguneko kideekin.

Orain arte bi bidelari izan ditu, biak argentinarrak. Lehenengoa, Alicia Agirre Mendozakoa eta bigarrena, Elisabet Etchegaray Azulekoa. Gaur egun, bigarren honekin izaten ditu saioak eta berarekin pantailaren bestaldean topo egiten duenean, ilusioa sentitzen du Lazkaokoak: “Duela 200 urte nire jaiotetxetik joandakoekin nagoela iruditzen zait, niretzat ametsetako harreman bat da”. Hortaz, Elisabetekin gauza asko ikasten ari dela aitortu digu Joxe Marik: “Euskal Herriaren aro ezberdinetako biziera, ohitura, pentsaera eta ahalegin askoren berri jakiteko aukera izan dut”.

Bere esanetan Mintzanet egitasmoa euskaraz bizi nahi duen ororentzat gomendagarria da: “Bidelagunoi guk ere euskara praktikatzeko, eta, ikasten ari denari ezintasunean bultzada edo animoak emateko” eta bestetik, bidelariei ere aholkatzen die: “Ahaleginean aurrerapausoak egin dituela ikusteko eta basamortuaren erdian sentitzen denean, oasi bat badaukala ikusteko”.

JoseMariAllur_Azulen_bidelariarekinIRUDIAN: Ezkerretik hasita bigarrena Elisabet Etchegaray da, Azuleko (Argentina) euskal jaiean.

Agian hau ere gustatuko zaizu

2 thoughts on “Joxe Mari Allur, bidelaguna: “Ni euskalduna naiz eta euskaraz bizi nahi dut. Horregatik, ikasi nahi dutenei laguntzen saiatzen naiz”

  1. Kaixo a esos señores que incondicionalmente hacen estas labores yo los alavo son algo sin igual, a mi por nacer en los peores tie mpos del franquismo me quedé sin esta lengua que es preciosa no solo antigua no se si Dan lecciones por Internet, sino tengo que apuntarme en clases pues no quiero irme de este mundo sin haberla aprendido, eskerri asko milla esker, si hay respuesta me complacería mucho. Atentamente. Aurora. Un Saludo

    1. Kaixo, Aurora:
      Si te parece bien, manda un correo a info@mintzanet.net y nos pondremos en contacto contigo para informarte del funcionamiento del programa.
      Un saludo y muchas gracias por animarte a escribirnos

Utzi erantzuna

Zure e-posta helbidea ez da argitaratuko. Beharrezko eremuak * markatuta daude