Peio Duzan (Okzitaniako Tolosa, 1985) bidelaria da Mintzaneten eta Estrasburgon bizi da. Bera da inguruko ia euskaldun bakarra eta, Mintzaneti esker, asteartero euskaraz aritzen da Azpeitiko Ander Olalderekin. Duzanek hasieran gogorra egiten zitzaiola aitortu digu, baina orain “plazerra” dela proiektuan parte hartzea. Ikusi zer esan digun!
Izan bidelagun eta jaso BERRIA doan asteburuetan, hiru hilabetez!
Urte berria hastearekin batera, eskaintza berezia dakarkizu Mintzanetek. Urtarrileko kanpainan bidelagun gisa izena ematen baduzu asteburuetan BERRIA egunkaria doan jasotzeko aukera izango duzu, hiru hilabetez! Urtarrilaren 13tik 27ra bitartean sartu www.mintzanet.net atarian eta bilaka zaitez bidelagun. ‘Izena eman’ jartzen duen laukitxoa sakatuz, bertan dagoen galdetegia bete eta doako harpidetza nahi duzula adierazi behar duzu. Bidelagunak euskaraz … Jarraitu irakurtzen Izan bidelagun eta jaso BERRIA doan asteburuetan, hiru hilabetez!
Ander Olalde, bidelaguna: “Proiektu honek denoi irabazteko aukera ematen digu; galtzeko, berriz, ezer ez”
Ander Olalde Azpeitian jaio zen duela 57 urte. Euskadi Irratian izan zuen Mintzaneten berri. Azaldu duenaren arabera, nahiz eta euskara izan bere ama hizkuntza, euskaltegira joan behar izan zuen EGA ziurtagiria lortzeko: “Euskaltegian jaso nuen guztiagatik euskararekin zor bat nuela sentitzen nuen. Orduan, Mintzanet etorri zitzaidan burura, eta pentsatu nuen ez zegoela modu aproposagorik nire … Jarraitu irakurtzen Ander Olalde, bidelaguna: “Proiektu honek denoi irabazteko aukera ematen digu; galtzeko, berriz, ezer ez”
Parte hartu Mintzanet Egunean!!
Aurtengo Mintzanet Eguna Durangoko Plateruena Kafe Antzokian egingo dugu, azaroaren 24an (igandea). Bertan, 12:30ean sari banaketan Bidelagun eta Bidelari Onenak sarituko ditugu, baita Aipamen Berezia zein den esan ere. Horrez gain, 14:00etan guztiok elkarrekin bazkalduko dugu.
Mintzaneteko kideak Iruñean!
Urriaren 16an, Iruñeako Katakrak Kultur Guneko kantinan Mintzaneteko hainbat erabiltzailerekin elkartu gara. Bertan, elkar ezagutu dugu eta berriketan aritu gara, giro epelean.
Zeren zain zaude?
Astean ordu erdiko tartea baduzu, eman izena, eta izan zaitez bidelari edo bidelagun Mintzaneten! Bidelariak euskara praktikatu nahi dutenak dira eta gutxienez B1 maila izan behar dute. Pantailaren beste aldean bidelagunak izango dituzte, astero euskaraz hitz egitea ahalbidetuko dieten laguntzaileak. Gogoratu helburuak bidelariak soltura irabaztea, lotsa galtzea eta jariotasuna lortzea direla!
Euskaraz bada yeismorik?
Iturria: Jabier Oses AzurmendiEusko Jaurlaritzako Kultura eta Hizkuntza Politika Saila Euskara hobetzen Artikulua Musika Euskara hobetzen Euskara hobetzen AHOSKERA Yeismoa esaten zaio ondorengo bi fonema hauek, ahoskatzerakoan, ez bereizteari; /ʎ/ eta /ʝ̞/ ez bereizteari. Yeismoa dagoenean, hiztunak bi fonemen arteko aldea neutralizatu egiten du. Sistematikoki, /ʎ/ ahoskatu beharrean /ʝ̞/ ahoskatzen du. Gaur egungo euskaldun askoren mintzoan nabari da. … Jarraitu irakurtzen Euskaraz bada yeismorik?
Erabiltzaile berriek harrera gida jasoko dute!
Mintzaneten izena ematen dutenek funtzionamendua argiago izan dezaten, bidelagunei eta bidelariei ongietorria emateko harrera gida prestatu dugu.
Joserra Onandia getxoztarra eta Mauro Funes Garcia agentinarra elkarrekin!
Joserra Onandia (Getxo, 1945) bidelaria eta bidelaguna da Mintzaneten. Berari Pedro Mari Sarduy Floridan bizi den muxikarrak bizkaiera praktikatzen laguntzen dio eta, aldi berean, Onandiak Argentinako Valeria Garcia Oyarzabali (La Pampa, 1973) laguntzen dio.
Peio Duzan eta bere familia ezagutzeko aukera izan dugu!
Peio Duzan (Toulouse, 1985) Estrasburgon bizi da eta oporrak Euskal Herrian igaro ditu bere familiarekin. Donostiara egin duen bisitan, Cristina Tapia eta Ainara Loiarte Mintzaneteko koordinazio taldeko kideok Duzan aurrez aurre ezagutzeko parada izan dugu. Ez hori bakarrik, Peioren aita, anaia eta Agatxu alabarekin ere egoteko aukera izan dugu!
