Peio Duzan: Mintzanet zergatik?


Peio Duzan (Okzitaniako Tolosa, 1985) bidelaria da Mintzaneten eta Estrasburgon bizi da. Bera da inguruko ia euskaldun bakarra eta, Mintzaneti esker, asteartero euskaraz aritzen da Azpeitiko Ander Olalderekin. Duzanek hasieran gogorra egiten zitzaiola aitortu digu, baina orain “plazerra” dela proiektuan parte hartzea. Ikusi zer esan digun!

Iñigo Sainz de la Maza: Zergatik Mintzanet?


Iñigo Sainz de la Maza Getxon jaio zen 1991. urtean; baina une honetan, Mexikon bizi da. Duela zenbait hilabete erabaki zuen euskara praktikatzeari ekin nahi ziola, horregatik, Mintzaneten eman zuen izena. Astean behin hitzartzen da bere bidelagunarekin eta “oso gustura” dago. Mintzanetek berarentzat zer suposatzen duen galdetu diogunean, Euskal Herritik gertuago sentitzeko tresna dela aitortu … Jarraitu irakurtzen Iñigo Sainz de la Maza: Zergatik Mintzanet?

Diasporatik: Elisabet Etchegaray (Argentina, 1962)


Elisabet Etchegaray Argentinakoa da, Azul izeneko herri batekoa. Euskal kultura interesatzen zaio, eta horrexegatik eman zuen izena Mintzaneten. “Euskal bizitza eta kulturarekin lotuta dauden esperientziak oso aberasgarriak direla uste dut, eta, proposamen baten bila nenbilenean, Euskal Kultura aldizkarian Mintzaneten berri izan nuen”, esan zigun Elisabetek.

Diasporatik: Florencia Deniz (Argentina, 1993)


Florencia Deniz (1993) Villa Maríakoa da, eta duela urte batzuk euskara ikastea erabaki zuen. Hamar urte zituenean etxean euskaraz idatzitako liburu bat aurkitu zuen. Interesgarria iruditu zitzaion eta 14 urterekin hizkuntza ikastea erabaki zuen. “Orain, euskara ez da bakarrik hizkuntza bat, nire bizimodua da”, aitortu zigun.