Mintzanetek eta Eusko Ikaskuntzak kolaborazio hitzarmena sinatu dute

Gaur, maiatzak 23, Mintzanetek eta Eusko Ikaskuntzak kolaborazio hitzarmena sinatu dute. Donostiako Miramar Jauregian maramara* taldearen zuzendaria, Ritxi Lizartza, eta Eusko Ikaskuntzako zuzendaria, Arrate Arin, bildu dira.
Elkarrekin egingo ditugun proiektuen berri emango dizuegu. Adi egon!

 
Ritxi Lizartza, maramara* taldearen zuzendaria, eta Arrate Arin, Eusko Ikaskuntzako zuzendaria
Ritxi Lizartza, maramara* taldearen zuzendaria, eta Arrate Arin, Eusko Ikaskuntzako zuzendaria

Euskararen egunean, ‘Euskara, pil-pilean’

Abenduaren 3an ospatuko den Euskararen Eguna dela eta, Mintzanetek eta Eusko Ikaskuntzak kanpaina berria jarri dute abian.

Aurtengoan, Eusko Ikaskuntzak eta Mintzanetek euskarari bultzada berezia eman nahi diote. Horretarako, Mintzanet proiektuan ahalik eta jende gehien apuntatzen saiatuko gara. Internet bidez, euskarazko solasaldiak izan nahi dituzten mundu guztiko pertsonak lotuko ditu plataforma doako honek, ‘Euskara pil-pilean’ lelopean. Beraz, abenduaren 2ra arte izena eman dezakezue www.eusko-ikaskuntza.org/ene webgunean. Batez ere, bidelagunak (laguntzaileak) behar ditugu, baina bidelari gisa ere eman dezakezue izena (hobetu nahi baduzu).

Aitzpea Oihaneder eta Karlos Arginañano sukaldariek parte hartu dute kanpainan eta zu ere animatuz gero, opariak eskuratu ahal izango dituzu: liburu sortak, Euskararen Egunerako sortutako amantal bereziak, eta abar. Gainera, Eusko Ikaskuntzako bazkideek eta solasaldiak mantentzeko apuntatzen diren laguntzaileek zozketan parte hartzeko aukera bikoitza izango dute.

 
Aizpea Oihaneder eta Karlos Argiñano sukaldariak