Maizpide barnetegian egoiliar diren Mintzaneteko lagunak bisitan izan ditugu


Argentina eta Uruguain bizi diren Mintzaneteko 6 lagun Euskal Herrian ditugu dagoeneko, eta egitasmoa kudeatzen duten Ritxi Lizartza eta Ander Makazagarekin elkartu dira Donostian. Hilabete t’erdiko egonaldia egiten ari dira Lazkaoko Maizpide Euskaltegian, eta zenbait, beren herriko euskara irakasle izateko prest itzuliko dira etxera.

Sebastián Amaya, bidelaria: “Euskarak mundu berri batean sartzeko aukera eman dit”


Sebastián Amayak (Arrecifes, 1978) Eusko Jaurlaritzako ‘Euskara Munduan’ programaren bidez izan zuen Mintzaneten berri. “Barnetegi batean proiektu honi buruz hitz egin zuten, euskaldun batekin hitz egiteko abantailei buruz…”. Berak azaltzen duen moduan, Argentinan ez du euskaraz hitz egiteko aukerarik, ez delako giro euskaldun batean bizi, “Mintzaneti esker, mintzapraktika egiteaz gain, ikasi ahal dugu”.