Urriaren 16an, Iruñeako Katakrak Kultur Guneko kantinan Mintzaneteko hainbat erabiltzailerekin elkartu gara. Bertan, elkar ezagutu dugu eta berriketan aritu gara, giro epelean.
Mikel Urdangarin, kantautorea: “Hunkigarria iruditzen zait diaspora, euskal mundua aberasten dute”
Mikel Urdangarin (Amorebieta-Etxano, 1971) euskal kantautorea da. Euskara bere hizkuntza dela esan digu eta “pribilejiotik bizi duela”.
Arlette Pascual, bidelaria: “Neska jatorra da bidelaguna, ongi konpontzen gara”
Arlette Pascual (Bordele-Baionan bizi da, 1950) bidelaria da Mintzaneten. Bere aitak gerra zibilaren ondoren, Frantziara deserriratu behar izan zuen, eta horregatik jaio zen Bordelen. Leku askotan bizi izan da geroztik: Madrilen, Donostian, Okzitaniako Tolosan, Baionan…
Continue reading “Arlette Pascual, bidelaria: “Neska jatorra da bidelaguna, ongi konpontzen gara””
Zeren zain zaude?
Astean ordu erdiko tartea baduzu, eman izena, eta izan zaitez bidelari edo bidelagun Mintzaneten!
Bidelariak euskara praktikatu nahi dutenak dira eta gutxienez B1 maila izan behar dute. Pantailaren beste aldean bidelagunak izango dituzte, astero euskaraz hitz egitea ahalbidetuko dieten laguntzaileak. Gogoratu helburuak bidelariak soltura irabaztea, lotsa galtzea eta jariotasuna lortzea direla!
Euskaraz bada yeismorik?
Iturria: Jabier Oses Azurmendi
Eusko Jaurlaritzako Kultura eta Hizkuntza Politika Saila
Euskara hobetzen
Euskara hobetzen
AHOSKERA
Yeismoa esaten zaio ondorengo bi fonema hauek, ahoskatzerakoan, ez bereizteari; /ʎ/ eta /ʝ̞/ ez bereizteari. Yeismoa dagoenean, hiztunak bi fonemen arteko aldea neutralizatu egiten du. Sistematikoki, /ʎ/ ahoskatu beharrean /ʝ̞/ ahoskatzen du. Gaur egungo euskaldun askoren mintzoan nabari da.
Yeismoa hori da, hizkuntza batzuetan <ll> grafiaz idazten den <l> bustia, /ʎ/ ahoskatu beharrean, <y>, /ʝ̞/, ahoskatzea.
Euskara zainduan ez da egokia ll digrama sabaikari ahostun [ʎ] ahoskatu ordez [bonbilla, tortilla], [y] sabaiko igurzkari ahostun egitea —‘yeismoa’— [*bonbiya, *tortiya].
<il> bikotearen ondorengoetan ere euskalkien araberakoa da ahoskera —batzuek [ll], beste batzuek [il]—, baina beti da desegokia [y] egitea. Adibidez: [*oyo/ ollo, oilo], [*langiye / langille, langile], [*maya, malla, maila]. [87. araua] (→ kontsonante busti-palatalen grafia eta ahoskera)
Artikulua
Artikulua
Erdara harturik maisu
Bustidura edo palatalizazio horiek oso zabalduta daude, Bizkaian eta Gipuzkoan batez ere, baina badirudi gaurko gazteentzat oso zaila dela -ll- ahoskatzea. Aspaldi honetan, ill ahoskatu izateagatik, euskaraz arrotza den yeismoa zabaltzen ari da: mutiya, iyargia, iyun, langiye, dabiyela, zebiyen, oso zaya da, (bizkaitarrok saia entzunez gero, putrea ere uler dezakegu), bigarren mayan,… (bigarren mailan dagoela dioenak, zer esan nahi du? bigarren mahaian edo bigarren mailan?).
Egia da Gipuzkoan eta Bizkaiko leku askotako hizkeretan, batez ere, bustidurak automatikoak dira, baina Arratian, Galdakaon, Larrabetzun, Zeberion, Lezaman eta inguru horietan guztietan, -in eta -il kasuetan, ia ez da bustidurarik agertzen: (h)aginetako mine, arinago, mutile, makile, okile, ilun, katilu…
Zergatik ez irakatsi umeei, irakurtzen hasten direnean, idazten den bezala irakurtzen? Haurrei irakurketa erraztu egingo genieke eta hori ere oso ahoskera jatorra da, Lapurdin eta Nafarroako zenbait lekutan ere, Bizkaiko mendebaldekoon eran, mutila, makila, mila, langileak… esaten baitute.
Kontua da, yeismoa zabaldu denetik, hau da, y grekoaren moduan ahoskatzea euskeraz bere barra-barra hedatu dela. Txarto esandako berbak dira, ez euskera batuaren akatsa, baina joera erderaren bideetara egitea da. Gainera, yeismoa ekiditea kazetariek bultzatu behar duten eta atxeki behar dioten zeregin edo joera da.
Janire Garcia
http://janirenotv.blogspot.com/2009/11/erdara-harturik-maisu.html
Musika
Diasporatik: Christian Etxeberria (Txile, 1982)
Christian Etxeberria Txileko Santiagokoa da, eta hasieran ez bazekien euskal abizena zuenik ere, jakin bezain pronto, argi eduki zuen euskara ikasi nahi zuela.
Continue reading “Diasporatik: Christian Etxeberria (Txile, 1982)”
Erabiltzaile berriek harrera gida jasoko dute!
Mintzaneten izena ematen dutenek funtzionamendua argiago izan dezaten, bidelagunei eta bidelariei ongietorria emateko harrera gida prestatu dugu.
Continue reading “Erabiltzaile berriek harrera gida jasoko dute!”
Joserra Onandia getxoztarra eta Mauro Funes Garcia agentinarra elkarrekin!
Joserra Onandia (Getxo, 1945) bidelaria eta bidelaguna da Mintzaneten. Berari Pedro Mari Sarduy Floridan bizi den muxikarrak bizkaiera praktikatzen laguntzen dio eta, aldi berean, Onandiak Argentinako Valeria Garcia Oyarzabali (La Pampa, 1973) laguntzen dio.
Continue reading “Joserra Onandia getxoztarra eta Mauro Funes Garcia agentinarra elkarrekin!”
Marisa Barrena eta Izaskun Etxabarri Bilbon elkarrekin!
Marisa Barrena bidelaguna eta Izaskun Etxabarri bidelaria Bilboko Aste Nagusian aurrez aurre elkartu dira. Ez da lehenengo aldia, 2015ean Mintzaneten izena eman zutenetik askotan geratu baitira.
Continue reading “Marisa Barrena eta Izaskun Etxabarri Bilbon elkarrekin!”
Peio Duzan eta bere familia ezagutzeko aukera izan dugu!
Peio Duzan (Toulouse, 1985) Estrasburgon bizi da eta oporrak Euskal Herrian igaro ditu bere familiarekin. Donostiara egin duen bisitan, Cristina Tapia eta Ainara Loiarte Mintzaneteko koordinazio taldeko kideok Duzan aurrez aurre ezagutzeko parada izan dugu. Ez hori bakarrik, Peioren aita, anaia eta Agatxu alabarekin ere egoteko aukera izan dugu!
Continue reading “Peio Duzan eta bere familia ezagutzeko aukera izan dugu!”
